Lëvizja Vetëvendosje, ka akuzuar kryeministrin e Kosovës, Isa Mustafa, se me nënshkrimin e djeshëm të marrëveshjes për Drejtësi, ka shpëtuar ish – kryeministrin Hashim Thaçi nga burgu.
“Mustafa nënshkroi në Bruksel me shpëtu Thaçin nga Burgu”, tha Albin Kurti, kreu i VV-së.
Kjo marrëveshje madje do të jetë edhe një arsye shtesë që do t’i nxjerrë edhe njëherë në protestë Lëvizjes Vetëvendosje.
Ndonëse nuk kanë specifikuar datë, Albin Kurti dhe Albulena Haxhiu, gjatë një konference për media thanë se kjo lëvizje do të protestojë prapë për Trepçën e po ashtu edhe për marrëveshjen e arritur në Bruksel. /KP/
