Ndonëse deputetët socialistë votuan kundër sllavizimit të emërtimeve të komunave në juglindje të Shqipërisë, burime nga selia rozë bëjnë të ditur se grupi i PS-së do të votojnë pro në seancë plenare.
Ndryshimi i qëndrimit ka gjetur të papërgatitur anëtarët e Komisionit të Ligjeve në mbledhje e grupit parlamentar socialist, të cilët ishin të përgatitur që në seancë e së hënës të votonin kundër, njofton gazeta ‘Shekulli’.
Të mbledhur për të diskutuar rreth qëndrimit që do të mbajnë ndaj ligjeve në seancën plenare të së hënës, pas diskutimeve me kryetarin Rama, u vendos që të pranohet ndryshimi nga Komuna Liqenas në emrin sllav Pustec./Indeksonline/
