Zhvillime të reja në rastin e Saimir Tahirit

Burime nga grupi i hetimit që po verifikon origjinën e 863 mijë eurove të kapura të Orest Sotës bëjnë me dije se prokurorët e Krimeve të Rënda gjatë këtyre ditëve janë përqendruar edhe për sa i përket njohjes dhe lidhjeve të mundshme mes biznesmenit dhe ish-ministrit të Brendshëm Saimir Tahiri.

Nga informacioni në rrugë jo zyrtare Shqiptarja.com mëson se nga verifikimet e kryera në sistemin TIMS që kjo prokurori ka ngritur pretendimin se nga pika e Muriqanit ka dalë me makinën e tij Orest Sotës.

Po të njëjtat burime pretendojnë se kanë zbuluar që nga kjo pikë në të njëjtën ditë ka dalë me makinën e tij ish-ministri i Brendshëm Saimir Tahiri. Nëse prokurorët kanë mbërritur në këtë përfundim atëherë jemi përballë një kontradikte të madhe e cila mbetet për t’u sqaruar.

Publikisht kohë më parë ish ministri Saimir Tahiri ka deklaruar se nuk ka në pronësinë e tij asnjë makinë.

Ndërkohë ngrihet edhe një tjetër pretendim nga prokurorët se nga verifikimet në TIMS është zbuluar se në kthim, ish-ministri i Brendshëm Tahiri ka hyrë në territorin shqiptar nga pika kufitare e Muriqanit, duke përdorur automjetin në pronësi të Orest Sotës.

Ndërsa ky i fundit sipas burimeve nga prokuroria ka hyrë në territorin shqiptar nga pika e Murriqanit duke përdorur automjetin e Saimir Tahirit. Pritet që në ditët në vijim prokuroria të kryejë dhe një sërë veprime të tjera shtesë, pasi tashmë në këtë hetim është angazhuar dhe Drejtoria e Policisë së Qarkut Durrës. Nuk dihet ende përse është përfshinë kjo drejtori në këto hetime.

Artikulli paraprakOBSH kërkon ndalimin e dhënies së antibiotikëve për kafshët
Artikulli vijuesVettingu përfshin policinë, makina e së vërtetës “ngel” 20 efektivë