Xhamia Yuzevler në qendër të qytetit Sakarya në Turqi mbrëmë vonë është përfshirë nga zjarri, raporton Anadolu Agency (AA).
Zjarrfikësve u janë dashur tre orë që të shuajnë zjarrin, por pavarësisht përpjekjeve të tyre, stuhia e flakëve kishte shkatërruar në tërësi objektin fetar .
Zyrtari lokal në Sakarya, Suleyman Yildirim, tha se bëhet fjalë për xhaminë të ndërtuar në vitin 1966, dhe siç informoi zjarri ka shkaktuar dëme të konsiderueshme materiale.
“Zjarri katastrofal na pikëlloi, por e mira e gjithë kësaj është se nuk pati viktima në njerëz. Populli dhe shteti do ta riparojnë këtë objekt të rëndësishëm” tha Yildirim.
