130 medie botërore japin alarmin për gjendjen me ujë në Kosovë

Lajmi për tharjen e liqeneve akumuluese, Batllava dhe Badovci ka tërhequr vëmendjen edhe të medieve botërore të cilat kanë transmetuar lajmin për gjendjen e vështirë dhe mundësinë që Kosova të mbetet pa ujë të mjaftueshëm në muajt në vijim 130 medie botërore kanë dhënë informacion rreth gjendjes me të cilën po ballafaqohet Kosova sai përket ujit të pijes.

Asociated Press, Washington Post, Euronews, e shumë medie të tjera elektronike dhe të shkruara, i kanë dhënë hapësirë zvogëlimit të nivelit të ujit në liqenin e Batllavës, me datën 8 dhe 9 janar 2014.

Arjeta Mjeku, zëdhënëse në Ujësjellësin Rajonal “Prishtina” ka thënë për publiku.net se reduktimet janë ashpërsuar si pasojë e tharjes në këto dy liqene.

“Niveli i ujit në liqenin e Batllavës ka rënë dukshëm, -12 metra nën nivel maksimal në të cilën rënie kanë ndikuar 2 faktorë, mungesa e reshjeve atmosferike si dhe faktori njeri kur dihet se verën e 2013-ës uji është keqpërdorur në masë jashtëzakonisht të madhe. Në liqenin e Badovcit kemi pozitë më jolakmuese dhe është, -13 metra nën nivel maksimal.” ka thënë Mjeku.

Mjeku ka thënë se rezervat e ujit nga ky liqen janë vetëm edhe për 3 muajt e ardhshëm./kohaislame

Artikulli paraprakNjë miliardë duhanpirës në të gjithë botën
Artikulli vijuesRëndësia gjeostrategjike e Italisë