Para 74 vjetësh i kishte ndërprerë studimet për shkak të një sëmundjeje dhe tash, kur ka mbushur 96 vjet, ka gjetur rastin t`i përfundojë ato.
Sylvio Ferrera nga qyteti francez Toulouse i kishte filluar studimet për inxhinieri në vitin e largët 1935, kur ishte 19 vjeçar.
Pas tre vjetësh i ishte dashur të ndërpriste fakultetin për shkak se u sëmurë nga malaria. Më vonë ishte lufta (e Dytë Botërore) që e pengoi t`i përfundonte studimet.
“Tash, më në fund do të mund të filloj nga puna”, është shprehur Ferrera në shaka gjatë solemnitetit të ndarjes së diplomës në Universitetin e Toulouse.
Gjatë gjithë këtyre viteve pas ndërprerjes së studimeve ai kishte punuar në vende të ndryshme si në SHBA, Siri, Tajvan etj.
