Avionët amerikanë pa pilot nuk kanë më nevojë për baza ushtarake

Aparati fluturues pa pilot “X-47B” i Forcave Ushtarake Detare të SHBA-së për herë të parë u ul me sukses në kuvertën e aeroplanmbajtëses “George Bush”, e cila ndodhet në Oqeanin Atlantik pranë brigjeve të shtetit të Virxhinias.
Sipas mendimit të ekspertëve, vendosja e avionëve pa pilot (drones) në aeroplanmbajtëse do t’i lejojë SHBA-së në të ardhmen t’i lëshojë ata pa pasur nevojë të marrë leje për përdorimin e bazave ushtarake në vende të tjera për fluturimin dhe uljen e avionëve pa pilot.
Siç pritet, mostrat e prodhimit serial të “X-47B” do të bëhen pjesë e armatimeve të Forcave Ushtarake Detare të SHBA-së në vitin 2018.