Ushtarët izraelitë burgosën një fëmijë palestinez 5-vjeçar, na gjuajti me gur

Aktivistët izraelitë të të drejtave të njeriut akuzuan ushtarakët për arrestimin e paligjshëm të një palestinezi 5-vjeçar në Bregun Perëndimor të lumit Jordan, pasi ai hodhi një gur në drejtim të tyre.
Në videoregjistimin që është xhiruar nga një bashkëpunëtore e organizatës “B’Tselem”, duket qartë se si shtatë ushtarë e rrethuan fëmijën që po qante dhe e futën atë me forcë në një xhip ushtarak.
Djali së bashku me babain e tij u dërgua në postin e ushtrisë, ku ata u mbajtën të paktën 2 orë. Vetë fëmija në një intervistë televizive tha se ai e hodhi gurin në drejtim të një qeni, por ai ra mbi makinën e ushtarakëve.