– Edhe përkundër problemit që kanë me luftën, refugjatët të cilët tranizojnë në territorin e Maqedonisë për të vazhduar pastaj udhëtimin e tyre drejt vendeve perëndimore, po përballën me shqetësime siç është pagesa e lartë për transportin. Në Tabanocë, takuam një shofer taksie, i cili mohon se bileta është 25 euro. Ai thotë se refugjatët i sjellin falas, transmeton Tv21.
Taksisti i parë:
Gazetari – Sa është bileta deri këtu.
Taksisti – Pa para.
Gazetari – A jeni i sigurtë ?
Taksisti – Po, Po, 100%.
Taksisti dytë:
“Largoma kamerën, sepse mundem ta dëmtoj”.
Një biletë nga Gjevgjelia deri në Tabanoc, për person kushton 25 euro, e sipas refugjatëve, kjo shumë e parave për xhepin e tyre është shumë e lartë.
“Unë jam nga Afganistani, unë po shkojë në Gjermani. Ne kemi paguar 25 euro për person. Po për xhepin tonë është shumë”, u shpreh një nga refugjatët.
Deri me 20 gusht të vitit kaluar çmimi i transportit me tren nga Gjevgjelia për në Tabanoc kushtonte 350 denarë, ndërsa tani është 25 euro ose 1500 denarë.
https://www.youtube.com/watch?v=CUbLcsRQjFc
