Kryetari i partisë opozitare AAK, Ramush Haradinaj dje ka vizituar Këshillin e Bashkësisë Islame në Gjakovë, ku është takuar me kryesin e Bashkësisë Islame në Gjakovë.
Sipas faqes zyrtare të KBI – Gjakovë, ato kishin pranuar në takim kryetarin e AAK-së së bashku me disa bashkëpunëtor në mesin e tyre edhe Ardian Gjinin. Ata kanë shkruar kështu: “Sot, Kryetari i Aleancës për Ardhmërinë e Kosovës, Ramush Haradinaj me bashkëpunëtorë e deputetë vizitoi Këshillin e Bashkësisë Islame në Gjakovë ku u takua me Kryetarin, Ahmet ef.Hoxha, imamët dhe punëtorët administrativ të KBIGJ-së.”
Në fotografi shihet se Ramush Haradinaj i ka dhuruar kryetarit të KBI-në Gjakovë një flamur kombëtar, ndërsa kryetari i KBI i ka dhuruar një libër fetar. Ai edhe para disa dite ishte në një xhami tjetër në Suharekë./KohaIslame
