Ahmeti viziton familjen Mramori e cila humbi dy fëmijët 

Kryetari i Prishtinës Shpend Ahmeti ka vizituar familjen Mramori në Kolovicë të Prishtinës ku një ditë më parë e humbën jetën dy fëmijët e saj pasi që ranë në një gropë.
Në këtë tragjedi vdiqën Florenti 11 vjeçar dhe motra e tij, Florenta 13 vjeçare.
Gjatë qëndrimit në këtë familje, kreu i Prishtinës ka premtuar se do t`i mbulojnë shpenzimet e ceremonisë së varrimit si dhe ato për bartjen e pjesëmarrësve në varrim.
Lamtumira e fundit, fëmijëve do t`iu jepet në orën 15:00.
E pas kësaj tragjedie që i ndodhi familjes Mramori, të enjten mbrëma dha dorëheqje edhe drejtori i Inspektoriatit në Komunën e Prishtinës, Xhelal Sveçla. /klankosova/