Nëse konsumoni ushqim të shëndetshëm dhe jetoni një mënyrë jetese të shëndetshme, nuk do të keni nevojë për ilaçe.
Plotësimi dhe marrja e vitaminave (vetëm nëpërmjet ushqimit) ndihmon në:
– Rritjen e imunitetit.
– Uljen e stresit.
– Parandalimin e sëmundjeve kronike duke përfshirë diabetin.
– Parandalimin e sëmundjeve të zemrës.
– Sëmundjet e kockave.
– Sëmundjet e ndryshme të syve.
– Sëmundjet tumorale.
Këtu janë tetë vitamina shumë të rëndësishme që nuk duhet të mungojnë në dietën tuaj, si dhe ushqime të pasura me këto vitamina.
Omega-3
Omega-3 është thelbësore për shëndetin e zemrës; ajo rregullon dhe ndihmon për të normalizuar nivelet e kolesterolit dhe triglicerideve (që ndihmojnë për të parandaluar trombozën dhe mpiksjen e gjakut); dhe ka treguar që ndikon në shëndetin e trurit. Në mënyrë të veçantë, Omega-3 ndihmon për të nxitur aftësinë e të mësuarit dhe për të parandaluar problemet e sjelljes tek fëmijët – sidomos ata që vuajnë nga (ADHD).
Omega – 3 gjendet n në të gjithë llojet e peshkut, drithërat e plotë, gjeli i detit, hudhrat, farat e kungullit, etj.
Vitamina B
Vitamina B12 është e njohur si jetike për shëndetin e zemrës. Vitamina B12 ruan shëndetin e veshkave, mëlçisë dhe indet e trupit. Ajo është e njohur edhe si “vitamina e energjisë,” dhe është e rëndësishme për shëndetin e kockave. Mangësia e saj çon në rrezikun e thyerjes së kockave, dobësimin e muskujve dhe humbjen e memories
Ajo gjendet në mishin e kuq, mishin e pulës, salmoni i egër, vezët, qumështi, fasulet, etj.
Vitamina C
Konsiderohet si “gjyshi” i antioksidantëve. Vitamina C është një nga vitaminat më të rëndësishme që duhet të përdoren për të luftuar sëmundjet, ftohjet e zakonshme, gripin dhe sëmundjet infektive. Hulumtimet e fundit kanë treguar se ajo është e dobishme për pacientët në fazën e 3-të ose të 4-ët të kancerit, sepse redukton efektet anësore dhe në këtë mënyrë përmirëson cilësinë e jetës. Ajo gjithashtu kontrollon toksinat e dëmshme në trupin tonë.
Ju mund ta merrni vitaminën C nëpërmjet frutave dhe perimeve të freskëta, të tilla si: luleshtrydhet, portokalli, speci, mjedër, lakra e bardhë, asparagos, etj.
Vitamina E
Një përforcues vital i sistemit imunitar, dhe një anti-oxidant i fuqishëm, vitamina E është një nga vitaminat që kuron trupin dhe lufton kancerin. Ajo është gjithashtu e mirë për shëndetin e syve, ndihmon në luftimin e sëmundjeve të mëlçisë yndyrore, dhe sëmundjen Alzheimer.
Vitamina E gjendet në fara (bajame, lajthi, arra, etj.) dhe në perime me gjethe jeshile, si brokoli dhe spinaqi (i cili gjithashtu përmban hekur), vaj i ullirit, misri, trangulli, etj.
Zinku
Zinku luan rol të rëndësishëm kur është fjala për reagimet enzimatike, dhe në këtë mënyrë ndihmon për të luftuar infeksionin, rrit qelizat që janë të afta për luftimin e kancerit, mbështet shërimin e plagëve, dhe liron antitrupat që ndihmojnë sistemin imunitar. Zinku gjithashtu ndihmon diabetikët për të rregulluar nivelet e tyre të insulinës, përmirëson kujtesën, është i dobishme për trajtimin e sëmundjeve të lëkurës, përmirëson gjendjen shpirtërore dhe gjumin.
Ziku gjendet në: mishin organik, spinaq, shparg, fasule, bizele, etj.
Magnezi
Magnezi ka kaq shumë përfitime shëndetësore! Ai përdoret nga çdo organ i trupit – zemra, veshkat, muskujt, kockat, sytë, dhe për këtë arsye mund të ndihmojë në një numër të problemeve shëndetësore. Faktori më alarmues është se shumë njerëz vuajnë nga mangësitë e magnezit.
Magnezi gjendet tek fasulet, kungulli, dhe perimet me gjethe jeshile.
Vitamina K2
Vitamina K2 punon së bashku me magnezin dhe vitaminën D për të ndihmuar lëvizjen e kalciumit në zonat e nevojshme të trupit (dhëmbët dhe kockat për shembull) dhe gjithashtu ndihmon për të hequr kalciumin nga indet e buta dhe arteriet, ku ai mund të jetë i dëmshëm. Ndërsa vitamina K gjendet në perimet me gjethe jeshile, dhe është kritike për ndalimin e gjakderdhjeve, vitamina K2 lehtëson transferimin e kalciumit nga arteriet në kocka. Kjo e bën atë jetike për shëndetin e zemrës.
Ajo gjendet në kivi, spinaq, asparagos, bamje, brokoli, etj.
Vitamina D
Vitamina D ka aftësinë për të ulur normën e kancerit në mënyrë dramatike. Vitamina D është e njohur edhe si thelbësore për shëndetin e mirë të zemrës dhe për shëndetin e kockave.
Ju mund të merrni vitaminën D nga dielli, dhe nga ushqime të caktuara, si: ton, skumbri, salmon, kërpudha Portobello, vezë, mëlçi, brokoli, arrat, drithërat e plotë.
Mungesa e vitaminave sot është për shkak se ushqimi që konsumojmë përmban pesticide dhe lëndë ruajtëse, dhe i ka humbur shumë vlera ushqyese, prandaj sigurohuni që të konnsumoni ushqim organik dhe ushqim që nuk përmban ruajtës kimik.
