“Hordhitë barbare turke” , “sulltani gjakatar”, “krime e barbari aziatike” janë disa nga formulimet që përdoren në librat shkollorë për t’i indoktrinuar fëmijët shqiptarë
Me copy-paste u mirren serbëve, rusëve, grekëve rrëfimet që këta i kanë shënuar e trilluar për të bëmat e shqiptarëve osmanë, dhe mediat tona ia servojnë opinionitë si histori të krimeve turke mbi shqiptarët. Prej mediave marrin “fakte” e referenca librat e ardhëshëm. Për më tepër, luftën e shqiptarëve osmanë kundër armiqve shekullorë sllavë e grekë mediat na e praptojnë duke e paraqitur si “krime turke kundër popullit shqiptar”. Atëherë kur këto “fakte” u shterrojnë, gjejnë tjera. Ndonjë humbje serbe nga pushtuesit prezentohet si “viktima shqiptare të barbarisë turke”
Interesante është të vërehet si nuk ka ndonjë dallim mes diskursit në mediat ende amatoreske shqipfolëse dhe atij të historianëve autorë librash shkollorë e universitarë.
Prej Shkupit në Merdar janë 140km. Sipas këtij shkruesi të librave universitarë e shkollorë, i bie që në atë vit ai pashë i paska vra dhe ekspozuar 14.000 burra, dhe e vetmja “dëshmi” del të jetë kjo foto…e viktimave SERBE të Luftës së Parë Botërore
Ngjashëm, në fillim të vitit 2016 eksploduan portalet shqipfolëse me një paraqitje tjetër të kinse krimeve turke mbi shqiptarët, të shoqëruar me një foto ku shiheshin disa ushtarë osmanë pranë një grumbulli kokash të prera. Por doli se ishte fjala për diçka tjetër:
Grekët pasi kishin kryer masakra të llahtarshme mbi shqiptarët në Ballkan, ia kishin mësyrë Anadollit, por atje nuk u eci puna si kujtuan. Në foton e mësipërme mund të ketë edhe shqiptarë, por jo nga viktimat. Shqiptarët sikur në Çanakkala morën pjesë edhe në mbrojtje të Izmirit.
Edhe më tmerruese u patën shfaqur disa pamje nëpër portalet shqipfolëse në verën e vitit të shkuar (2015) ku thuhej se ishin paraqitur tabllo nga dhunimet seksuale të ushtarëve “turq” në Shqipërinë e vitit 1908.
Por me një shikim të kujdesshëm të të njejtës seri gravurash vërehet se autori e ka paraqitur ngjarjen edhe në një kishë ortodokse me mbishkrime cirilike.
Veshja e këtyre turqve të trilluar është e njejtë me atë të Ministrit të parë të Luftës në shtetin Shqiptar, Mehmet Pashë Dërrallës:
Uniforma në gravurat e dhunimeve është po kjo e këtyre “turqve”
Ndërsa në një gravurë tjetër nga seria famëkeqe e publikuar nën titujt “Dhunimet e femrave shqiptare nga turqit” shihet se një pjesë e këtyre turqve nuk i ka të veshura uniformat shtetërore por ka ardhur me veshjen e zakonshme popullore
Sikur të paraqiteshin këto veshje në kolor, duken më qartë se janë të “turqve” Gegë 
Pra këtu më lehtë mund të pranojmë se fjala është për prani të shqiptarëve në vizatime, mirëpo ashiqare që nuk janë në rolin e viktimës. Ajo që mediat shqipfolëse kanë harruar ta shënojnë kur i publikuan fotot e dhunimeve është fakti që ato janë vepër e imagjinatës së një ilustruesi austriak të quajtur Gottfried Sieben, i cili në vitin 1909 i kishte bërë për revista pornografike, por që megjithatë i ishin ndaluar nga botimi dhe shpërndarja. Kaq sa i përket objektivitetit shkencor dhe burimeve historike të mësuesve tanë të historisë!
Burimi: https://www.facebook.com/notes/kund%C3%ABr-islamofob%C3%ABve-antishqiptar%C3%AB-t%C3%AB-pdk-s%C3%AB/historiografia-zyrtare-shqiptare-bazohet-n%C3%AB-pornografi/1036169189800063
