A do të japë dorëheqje Cameroon?

David Cameroon po përballjen me zemërimin e turmave të njerëzve të zemëruar nga fakti që kryeministrit britanik i janë shfaqur dokumente nga ana e “Panama Paper’s” si i përfshirë në skandale korruptive.

Turma e mbledhur dje përpara rezidencës së kryeministrit në Londër thërriste për largimin e Cameron.

Policia u detyrua të bllokonte shkallët e hyrjes për të mos lejuar turmën e zemëruar.

Dokumentet e dalë nga firma ligjore panameze Mossack-Fonseca treguan se babai i tij, Ian Cameron, ishte bashkëpronar i kompanisë “Blairmore Holdings”, në Bahamas, ku edhe kryeministri rezulton me pjesën e tij.

“Kam blerë aksione më se të zakonshme në një shoqëri, për të cilat kam paguar taksat. Realisht i kam shitur të gjitha aksionet, kur u bëra Kryeministër. Do të bëj publike të dhënat në formularët e mi të taksave për vite të tëra që kanë kaluar, pasi dua të jem transparent”, përligji veprimet e tij Cameron. /kohaislame

Artikulli paraprakUkraina me kryeministër të ri
Artikulli vijuesSherifi: Thaçi të japë dorëheqje nga posti i Presidentit, të kthehet në krye të PDK-së