A ka dallavere edhe me njehsorët e ujit?

0
200
Nuk janë vetëm njehsorët e energjisë të cilët janë me defekte. Kësaj liste mund t’i shtohen edhe ujëmatësit. Të paktën kështu pretendon nënkryetari i Komisionit për mbikëqyrjen e Financave Publike, Ali Sadriu.

Sadriu ishte ndër të parët kishte ngritur dyshimet edhe për njehsorët e energjisë, e që rezultuan të jenë të sakta.
 
Ai thotë se kanë dyshime të bazuara se edhe me ujëmatësit po bëhen dallavere dhe kështu u ka bërë thirrje publike institucioneve përgjegjëse që të hetojnë ujëmatësit.
 
Thirrje gjithashtu ka bërë edhe anëtari tjetër i komisionit nga AAK-ja, Bali Muharremaj. Ai thotë se nuk duhet të lejohet edhe më tutje të mashtrohen qytetarët.
 
Ndërkohë zëdhënësja e ujësjellësit regjional të Prishtinës, Arjeta Mjeku, ka hedhur poshtë mundësinë e dallavere me ujëmatës, duke thënë se për komunat që i furnizon ujësjellësi i Prishtinës nuk ka deri tash ankesa nga qytetarët, transmeton Koha.net.
 
Pas skandalit me njehsorët elektrikë, me vendim të Ministrisë së Tregtisë dhe Industrisë, i është marrë licenca një tipi të njehsorit elektrik të kompanisë “Kohler” për shkak të matjeve jo të sakta të shpenzimit të energjisë elektrike në Kosovë.kohaislame