Inxhinierët turq kanë gjetur shkakun e zhurmës në formën e “çarjes dhe plasjes” që vjen nga frigoriferët, një shqetësim i përbashkët për të gjithë konsumatorët.
Hasan Konuk nga Universiteti MEF dhe Ahmet Arisoy nga Universiteti i Stambollit kanë vendosur sensorë të posaçëm brenda frigoriferit dhe nga matjet që kanë bërë përmes këtyre sensorëve kanë arritur në përfundimin se zhurmat që dëgjojmë ne në formën e ‘çarjes dhe plasjes’ burojnë nga bymimi dhe tkurrja që pëson materiali i jashtëm i frigoriferit për shkak të ndryshimeve të çastit që pëson temperatura.
Studiuesit turq si zgjidhje të problemit propozojnë që prodhuesit e frigoriferëve duhet të reduktojnë raportin e ndryshimit të temperaturës.
