Anija e bllokuar ruse arrin në Zelandë të Re

Anija hulumtuese ruse “MV Akademik Shokalsky” ka arritur në portin Bluf të Zelandës së Re, pasi është liruar nga akulli në Antarktik, javën e kaluar.
Anija ishte bllokuar në fund të dhjetorit dhe akullthyes nga Kina, Australia dhe Shtetet e Bashkuara kishin bërë përpjekje të pasuksesshme për ta arritur dhe liruar atë.
Të gjithë njerëzit joesencialë në bord janë nxjerrë nga një helikopter kinez më 2 janar.
Një ndryshim i drejtimit të erës më 7 janar e ka ndihmuar anijen që të lirohet vetë.