Kompania Asus ka konfirmuar se më 30 maj do të lansojë telefonin e ri Asus Zenfone 3, i cili do të vijë së bashku me disa pajisje tjera.
Edhe pse pritet të ketë dizajn të njëjtë me ZenFone 2, telefoni i ri pritet të ndërveprojë me pajisjen ZenVR. Zenfone 3 pritet të ketë të integruar edhe Intelin.
Në bazë të raportimeve të mëhershme, Zenfone 3 do të ketë skanerin për njohjen e gishtërinjve dhe do të operojë me sistemin operativ Android 6.0, transmeton Koha.net.
Sipas Android Headlines, Asusi i ri do të ketë procesorin Snapdragon 625 që do të punojë me 4 gigabajt RAM. Gjithashtu ka raportime se telefoni do të ketë ekranin 5.5-inç me rezolucion 1080 pixels.
