Komisionerja e BE-së për Drejtësinë Viviane Reding në fund të vitit 2013 e ka konsoliduar akoma dhe më fort mendimin se BE-ja ka nevojë për CIA-n e vet. Ose të paktën për ndonjë shërbim të unifikuar të inteligjencës dhe kundërzbulimit evropian në “kundërpeshë” të Agjencisë Kombëtare amerikane të Sigurimit (NSA). Reding deklaroi se me marrëveshjen e të gjitha vendeve anëtare të BE-së dikasteri përkatës mund të krijohet tashmë që aty nga viti 2020.
Krijimi i këtij shërbimi është aq më tepër i nevojshëm, tha Viviane Reding, pasi ne tani për tani nuk kemi se çfarë t’i kundërvemë spiunazhit global të amerikanëve në Evropë. Ndërsa ajo duhet mbrojtur me çdo kusht nga penetrimi i pakontrolluar amerikan. Zonja Komisionere ka premtuar të merret personalisht me zhvillimin e idesë: “NSA-ja duhet të ketë një kundërpeshë. Propozimi im afatgjatë konsiston në organizimin e Shërbimit të Inteligjencës Evropiane në vitin 2020”.
Disa ekspertë jane te prirur të mendojnë se ideja në fjalë është e destinuar për dështim. Natyrisht, është e plotësisht e kuptueshme përse në BE u ngrit vala “për të patur inteligjencën e vet”. Për të ndërmarrë një hap të tillë evropianët i shtyu NSA-ja.
– Mua më duket se krijimi i një departamenti apo shërbimi të tillë të centralizuar të inteligjencës brenda vetë BE-së nuk ka gjasa të ketë sukses. Për shumë arsye. Kjo është një sferë kaq e ndjeshme dhe kaq delikate, saqë fjalë mund të bëhet vetëm për kanalet e shkëmbimeve dypalëshe dhe jo për një sistem të plotë të centralizuar.
Nuk ka gjasa që “shërbimi vetiak i inteligjencës” t’i duhet në të vërtetë Evropës, por ideja është e realizueshme, tha Kreu i Agjencisë ruse të teknologjive të inteligjencës “Er-Tehno” të Shërbimit Federal të Sigurisë (FSB), Roman Romaçov. Praktikisht është e pamundur për të krijuar një shërbim të tillë të inteligjencës që të mund të mbrojë dhe t’i shërbejë interesave të të gjitha 28 vendeve të BE-së. Sepse si shumë të ndryshme janë ato, thotë Roman Romaçov:
– Ky është një reagim ndaj mbikëqyrjes në masë nga ana e SHBA-së. Europa po përpiqet tani të marrë revansh. Të ngrejë valën e informacionit, të provojë ndofarë idesh. Dhe, në përgjithësi, të tërheqë vëmendjen e qytetarëve evropianë ndaj faktit se qeveria e tyre është gjithashtu duke ndërmarrë masa kundërpërgjigjeje.
Ajo, se Evropa duhet të bëjë diçka me qëllim që në një farë mënyre “të spostojë nga fusha e vet” inteligjencën amerikane, kuptohet nga të gjithë. Por sot 80%-90% të të gjitha shërbimeve në infrastrukturën botërore IT i ofrojnë kompanitë private IT dhe 80-90 për qind e tyre janë amerikane, thotë Drejtori i Departamentit Evropian në Qendrën Carnegie Jan Techau (the Director of Carnegie Europe). Fusha për spiunazh, si i thonë fjalës, është e hapur. Për të ndryshuar situatën nevojitet një qasje radikalisht e re, “një mënyrë e re europiane e të menduarit” në këtë sferë, thotë Jan Techau. “Lojrat në krijimin e inteligjencës vetiake” nuk do të na ndihmojnë dot. Ne duhet të marrim nën kontrollin tonë komunikimin.
You Might also Like
Gjermani, “zhduken” 142 mijë refugjatë, opozita kërkon shpjegime
Në Gjermani vazhdon ngërçi i dhjetëra mijëra refugjatëve të zhdukur dhe opozita i kërkoi qeverisë…
By
2 Min Read
Gruaja e Asadit strehohet në Rusi
Gruaja e kriminelit Bashar al-Assad ka gjetur strehim në Rusi, pasi frikësohet për jetën e…
By
2 Min Read
FBI zbulon dredhinat për shitjen e Materialit Nuklear ISIS-it
Investiguesit e FBI në bashkëpunim me policinë e Moldavisë kanë zbuluar se njerëz nga ushtria…
By
1 Min Read
Ndërtimi i Qendrës Kulturore Islame në Mainz drejt përfundimit
Për një vit e gjysmë, sa është duke zgjatur ndërtimi i Qendrës Kulturore Islame në…
By
1 Min Read
TONY BLAIR KËRKON REFERENDUM TË RI PËR TË ARDHMEN E BRITANISË NË BE
Ish-kryeministri britanik, Tony Blair, ka thënë se qytetarëve në Britani duhet dhëne dhe një rast…
By
1 Min Read
Trump: Nëse s’fitoj s’e mbështes asnjë kandidat tjetër për president
Kandidati republikan për president të ShBA-ve, Donald Trump, ka heq dorë nga premtimi i tij…
By
1 Min Read
