Berlini ka kërkuar hetim ndërkombëtar për Kumanovën, Shkupi hesht

Ministri i Jashtëm gjerman Frank Walter Steinmeier dy javë pas ngjarjeve të 9 dhe 10 majit në Kumanovë kishte kërkuar hetim ndërkombëtar.
Ai këtë e kishte theksuar në takimin me homologun shqiptar Ditmir Bushati, duke kërkuar hetim transparent mbi ngjarjen e Kumanovës, informon INA.

Kjo deklaratë kishte nxitur reagimin e kryeministrit Edi Rama i cili përmes rrjeteve sociale kishte shprehur mirënjohje për kërkesën e Gjermanisë për një hetim ndërkombëtar për atë se çfarë ndodhi në Kumanovë.

“Mirënjohje Gjermanisë për kërkesën publike për hetim ndërkombëtar për Kumanovën! Drejtësia për Kumanovën gur në themelin e bashkëjetesës.”, kishte shkruar Rama.

Por në Maqedoni kjo çështje po heshtet nga pushteti aktual, por edhe nga të gjitha partitë politike shqiptare, përfshirë edhe ato të opozitës që janë joaktive në skenën politike.

Artikulli paraprakAsociacioni në sytë e opinionit publik
Artikulli vijuesShehërli e katun’arë – një analizë e çarjes