Kryetari i PBDNJ-së Vangjel Dule, ka njoftuar sot mediat për një takim që ka patur me zv.presidentin e Amerikës Joe Biden më 17 tetor në Nju Jork.
Në foton ku kanë dalë së bashku, Dule sqaron se bëhet fjalë për “ceremoninë e dekorimit të Shkëlqesisë së Tij zotit Joe Biden, zëvëndëspresident i SHBA, me çmimin prestigjoz Athenagoras per kontributin e Tij ne mbrojtjen dhe promovimin e të drejtave të njeriut dhe lirisë e besimit kudo në botë”.
Dule theksoi se ishte një “Nder dhe privilegj i veçantë mundësia ta falenderoj nga afër për interesimin dhe mbështetjen e deritanishme si edhe të flasim për situatën e demokracisë, të drejtave të njeriut dhe lirisë së besimit në vendin tonë”.
