Presidenti i Turqisë, Recep Tayyip Erdogan, ka deklaruar se ata që tentuan grusht shtetin janë tradhtarë të Turqisë.
“Tradhtarët do të paguajnë shtrenjtë”, ka thënë Erdogan duke shtuar se shteti i tij është duke e mbrojtur vendin nga armiqtë dhe se “Turqia nuk është më ajo e vjetra” dhe se Ushtria do të pastrohet.
Ai e ka quajtur tentimin për grusht shtet sfidë nga Zoti që duhet të merret parasysh nga turqit.
“Të gjithë ata që tentuan të bëjnë grusht shtetin e befasishëm do të marrin përgjigjen e merituar, pavarësisht çfarë institucioni përfaqësojnë. Tradhtarët do të dënohen keq. Me këtë gjest Zoti na ndihmoi të pastrohemi nga tradhtarët”, theksoi kryeministri turk, i cili shtoi se hotelin ku ka qëndruar ai në Marmaris e kanë bombarduar puçistët, si dhe aeroportin, duke menduar se ai ende është atje.
