ISIS ka siguruar kontroll të plotë mbi qytetin Ramadi në Irak

0
160
– Sipas informacioneve që gazetari i Anadolu Agency (AA) ka marrë nga burimet lokale, mësohet se pas tërheqjes së policisë lokale dhe forcave të ushtrisë, ISIS ka siguruar kontroll të plotë mbi qytetin Ramadi në Irak, raporton Anadolu Agency (AA).
Pretendohet gjithashtu se militantët e ISIS të cilët kanë marrë nën kontroll Ramadin i kanë vendosur zjarrin disa pikave të karburantit dhe disa ndërtesave qeveritare.
Ndërsa në anën tjetër, kryeministri i Irakut, Haydar el-Ibadi në televizionin shtetëror të Irakut pas kërkesës së qeverisë lokale, liderëve të fiseve dhe me kërkesën e klerikëve në Enbar për të shpëtuar qytetin nga ISIS ka urdhëruar forcat Hashdi Shabi që të hyjnë në Enbar dhe të luftojnë së bashku me forcat e tjera të sigurisë dhe në bashkëpunim me forcat e fiseve Sunni kundër organizatës terroriste ISIS.