Autoritete e Firences kanë miratuar vendimin që në këtë qytet të ndërtohet “xhamia e madhe” sepse siç shkruajnë mediat italiane Xhamia Qendrore nuk mund të pranoj më shumë se një mijë besimtarë, shkruan aljazeera.
Shumë myslimanë shpesh detyrohen që faljen e namazit ta bëjnë nëpër rrugë në afërsi të xhamisë qendrore, në lagjen Borgo Allegri.
“Kjo është një situatë e pakëndshme, sepse është një imazh i keq i xhamisë dhe qytetit. Ndodh që ditën e premte dy herë ta falim namazin e xhumasë. Megjithatë, kjo nuk mjafton, shumë njerëz falen në rrugë, tha Izzedin Elzir, imam i xhamisë në Firence për Local.
Autoritetet e Firences kanë njoftuar se momentalisht kryhet studimi i fizibilitetit, ndërsa Këshilli i qytetit ka premtuar se muslimanët shumë shpejt do të kenë xhaminë e re në qendër të qytetit.
Sipas të dhënave jo zyrtare në Firence momentalisht jetojnë afër 30.000 muslimanë.
(Islampress)
