Këshilltari i kryeministrit Mustafa 17 milionë euro pasuri (DOKUMENT)

Besnik Berisha, këshilltari për çështje të drejtësisë i kryeministrit Isa Mustafa, është zyrtari më i pasur në Qeverinë e Republikës së Kosovës.

Berisha, i cili me profesion është avokat, ka një pasuri marrëmendëse, e cila arrinë vlerën e përgjithshme prej rreth 17 milionë euro, shkruan portali INFOKUSI.

Në Agjencinë Kosovare Kundër Korrupsionit avokati Berisha ka deklaruar pasuri të patundshme në vlerë prej rreth 14 milionë euro, të cilën pasuri e ka bërë pas vitit 2000.

Përveç patundshmërive milionëshe, Berisha ka deklaruar mbi 1.2 milionë euro para të gatshme në bankat komerciale në vendit, si dhe tri vetura në vlerë prej mbi 75 mijë euro, raporton INFOKUSI.

Përpos pagës së deklaruar nga zyra e kryeministrit prej rreth 7000 euro në vit, Berisha është pronar edhe i disa bizneseve.

Nga kompania e sigurimit ‘Balkan International’, Berisha ka raportuar të hyra vjetore në vlerë prej rreth 300 mijë euro, nga kompania tjetër ‘KSF KS Guards’ ai ka deklaruar mbi 20 mijë euro të hyra, të hyrat vjetore nga avokatura ‘ Besnik R. Berisha’ ka deklaruar rreth 22 mijë euro të hyra dhe 7800 euro në vit i merr qira vjetore nga një antenë e operatorit ‘Vala’. Haki Abazi, një nga zërat kritik të shoqërisë ka postuar këtë status lidhur me këtë lajm: “Me kenaqesine, pasionin dhe perkushtimin me te madh i kisha lene te gjitha angazhimet, pergjgjesite dhe privilegjet qe kam kudo ne bote per te udhehequr taskforcen e vertet antikorrupcion-antikrim. HA.

Keshilltari qe arsyetonte dhe promovonte arrestimin e njerezve me njesi policore speciale per statuset e tyre ne Facebook.”

Besnik-Berisha-1 Besnik-Berisha-2 Besnik-Berisha-3 Besnik-Berisha-4

Artikulli paraprakPrishtinë: Plaçkitet posta private, lëndohet punëtorja
Artikulli vijuesFëmijët trashen për shkak të stresit të prindërve