Kolegji Universum në partneritet me Oracle

0
181

Kolegji Universum është pranuar në programin e shkencave kompjuterike të liderit botëror të teknologjisë, Oracle, të quajtur Oracle Academy.
Përmes këtij bashkëpunimi, stafi dhe studentët e Kolegjit Universum kanë qasje pa pagesë në 5 fusha të ndryshme që Oracle i ofron për partnerët e vet akademik: Teknologji, ku përfshihen instalim pa pagesë i gjithë gamës së softuerit të Oracle, duke përfshirë Java, Oracle Database, apo Oracle Applications; Kurrikulë, ku stafi i Universum do të ketë qasje në kurrikulat më të fundit nga fusha e shkencave kompjuterike ndërsa studentët në lëndë online, bibliotekë elektronikë dhe libra elektronik; Trajnime Online të ofruara direkt nga Oracle; certifikimet dhe provimet e Oracle me 50% lirim si dhe qasje në forume.

Drejtori i Programit të Shkencave Kompjuterike në Universum, Mërgim Cahani tha se kjo është një arritje shumë e madhe për Kosovën, pasi studentët tanë të shkencave kompjuterike do të kenë qasje në teknologjinë më të fundit nga njëra prej kompanive më të rëndësishme në botë.