Komuna e Prishtinës: “ELKOS” s’i ka paguar borxhet ndaj shtetit

Prishtinë, 18 dhjetor – Komuna e Prishtinës, sqaron opinionin se Drejtoria e Urbanizimit nuk ka pajisur me leje “ELKOS” SH.P.K., pasi që pronarët e se njëjtës nuk kanë plotësuar kushtet themelore të komunës siç ka qenë pagesa e borxhit ndaj Shteti, njofton Komuna e Prishtinës përmes një kumtese për medie. ELKOS, sipas kësaj kumtese, ka mbetur pa paguar për ndërtimin e objektit në zonën industriale shumën 1.467.237.00 euro që nga viti 2006. Ky objekt edhe tani e ka statusin e objektit të ndërtuar pa leje.