Deputetja e Lidhjes Demokratike të Kosovës, Teuta Sahatqija, i ka bërë thirrje kryeministrit Thaçi që të rrijë në seancë dhe ta mbrojë vendimin e ministres Kusari-Lila për importin e çimentos.
Ajo ka kritikuar kryeministrin dhe koalicionin qeveritar, të cilët sipas saj me vetëm shtatë deputetë po përfaqësojnë këtë koalicion qeveritar në Kuvend.
Deputetja Sahatqija e ka pyetur kryeministrin se ku i ka burrat dhe gratë dhe pse nuk kanë qëndruar në seancë për mbrojtur vendimin për çimenton.
Teuta Sahatqija ka thënë se nëse vendimi është i mirë siç pretendon ministrja Kusari-Lila, atëherë kryeministri, ministrat dhe shumë deputetë, nuk kanë nevojë të largohen nga Kuvendi për ta përcjellë seancën përmes televizorit./Indeksonline/kohaislame
