Pas sulmit të djeshëm terrorist në Ankara, ku përsëri mbetën të vrarë shumë njerëz të pafajshëm, Lëvizja BESA shpreh keqardhjen e saj më të thellë dhe ngushëllimin më të sinqertë për familjet e të vrarëve dhe të plagosurve.
Fakti që në botën tonë akoma jetojnë qenie që kënaqen në viktimizimin e njerëzve të pafajshëm dhe që mjet të luftës së tyre e kanë terrorin dhe mbjelljen e frikës, paraqet shqetësim të përmasave globale dhe, për këtë arsye, gjykojmë se sot gjithë bota e qytetëruar duhet të jenë në anën e Turqisë, e cila tashmë disa herë është në tapet të këtyre sulmeve.
Për BESËN gjuha e terrorit nuk njeh etni e religjion, andaj ne mendojmë se suksesi kundër kësaj të lige globale mund të arrihet vetëm në aleancën e të gjitha forcave progresive të botës.
E ardhmja e botës duhet të jetë paqja, koekzistenca dhe bashkëjetesa.
