Qepa e zakonshme mund t’ju ndihmojë në luftën kundër akneve, por edhe për zbardhimin dhe kujdesin e lëkurës. Ne ju sjellim recetat për maskat e fytyrës me qepë.
Këto maska u përshtaten të gjitha llojeve të lëkurës, ndërsa qepën e kombinoni me perime të tjera për rezultate më të mira.
Maska kundër akneve me kumbulla
Ju duhen: 1 lugë lëng i shtrydhur nga qepa, bërthama e 7 kumbullave të ziera dhe 2 lugë vaj ulliri. Përzieni të gjithë përbërësit së bashku dhe vendoseni përzierjen në fytyrë, veçanërisht në zonat e prekura nga aknet. Lëreni të veprojë për 30 minuta dhe pastaj shpëlani.
Qepa dhe karota
Për këtë maskë ju nevojiten: 1 lugë lëng karote të freskët, 1 lugë lëng i shtrydhur nga qepa, 1 e verdhë e vezës dhe 1 lugë vaj ulliri. Përzieni të gjithën dhe vendoseni në fytyrë. Ju duhen 20 minuta për të vepruar. Pastaj shpëlani. Kjo maskë vepron edhe si tonik.
Qepa dhe dardha
Përgatitja: 2 lugë lëng i shtrydhur nga qepa, 1 dardhë të përpunuar në mikser dhe gjysmë filxhani qumësht. Përzieni të gjithë përbërësit dhe aplikoni me prekje të lehta në fytyrë. Pas 15 deri në 20 minuta shpëlani maskën nga fytyra. Përndryshe, kjo përzierje ka edhe efekt zbardhues.
Për pikla
Për t’i zbutur piklat në fytyrën tuaj, mund ta bëni edhe këtë maskë. Do t’ju duhen: gjysmë molle, 1 lugë mjaltë, 1 lugë e vogël me pluhur të acidit askorbik, 1 e verdhë e vezës, 1 lugë uthull molle, 3 lugë vaj bimësh dhe 2 lugë lëng të shtrydhur nga qepa. Përzieni të gjithë përbërësit ngadalë në një masë kompakte. Vendoseni në vendin me pikla dhe lëreni të veprojë për 30 minuta. Edhe kjo maskë vepron edhe si tonik, meqë përmban uthull molle.
Rrudhat dhe lëkura e thatë
Kjo përzierje është e shkëlqyeshme kundër rrudhave dhe lëkurës së thatë. Do t’ju duhen: 1 lugë lëng i shtrydhur nga qepa, 1 patate, 250 ml qumësht dhe 1 lugë mjaltë. Zieni pataten e qëruar në qumësht dhe kur të jetë gati të gjitha përzieni me mikser në një përzierje të lëngshme, shtoni lëngun nga qepa dhe mjaltin dhe përzieni mirë. Vendoseni përzierjen në fytyrë dhe lëreni të veprojë për 20 minuta. Pastrojeni fytyrën me ujë mineral të gazuar.
