Një njeri u ndal para një dyqani për lule me qëllim që t’i dërgoj nënës së tij një buqetë lulesh, e cila jetonte 320 km. nga aty. Kur doli nga automobili vërejti një vajzë të vogël duke qarë në skaj të trotuarit.
Iu afrua dhe butë e pyeti ku qëndron problemi, ndërsa ajo iu përgjigj:
“Dëshiroja të blejë një trëndafil të kuq për nënën time, mirëpo nuk kam mjaftueshëm para.”
Njeriu buzëqeshi mëshirshëm me vajzën dhe i tha:
“Eja të shkojmë të blejmë një trëndafil për nënën tënde.”
Porositi lulen për nënën e vete dhe bleu një trëndafil për nënën e vajzës.
Gjatë daljes nga dyqani, njeriu i ofroi vajzës së vogël ta dërgoj deri tek shtëpia e saj, gjë që ajo pranoi. Mandej ajo ia tregoi rrugën e cila shpinte deri tek varrezat ku vendosi trëndafilin.
Njeriu u kthye tek dyqani i luleve, kërkoi ta ndalojnë porosinë e mëparshme, mori lulet të cilët i kishte paguar më parë dhe udhëtoi 320 km. deri tek qyteti ku jetonte nëna e tij!
Urtësia:
Shfrytëzoni çdo moment që ju jepet, respektimi i prindërve është shkak për faljen e mëkateve. “Lësho para tyre krahët e përuljes prej mëshirës dhe thuaj: “O Zoti im, mëshiroji ata, ashtu siç më kanë rritur, kur unë isha i vogël!” (Isra’: 24)
Përshtati: Lutfi Muaremi
(Islampress)
