Mbi 110 mijë kosovarë e kanë lëshuar ilegalisht Kosovën në tri vitet e fundit, përkatësisht në periudhën janar 2014 dhe qershor 2017.
Ndërkaq 2 mijë deri në 3 mijë euro ka qenë çmimi i ofruar trafikantëve për vendet e ndryshme të Bashkimit Evropian.
Këto të dhëna, ku si burim citohet Policia e Kosovës, i ka bërë publike njohësi i ekonomisë Agron Demi në rrjetin e tij social Facebook.
Për këtë periudhë kosovarët e kanë paguar 222 deri 334 milionë euro trafikantët për kalim ilegal të kufijve.
“1/3 e kësaj shume ka mbetur për trafikantët në Kosovë, pjesa tjetër është shpenzuar në vendet tjera”, ka thënë Demi. /Gazeta Fjala/
