Ramadan, Agron e Mujë Gashi janë disa nga personat të cilët policia i ka marrë në pyetje, të cilët dyshohet se ishin dorasit e vrasjes së zyrtarit policor sot në orën 7 të mëngjesit.
Në kushte anonimiteti disa fqinj të policit thanë për televizionin Klan Kosova se ai kohë më parë kishte problem me këta kushërinj për një tokë me rreth 40 ari në lagjen e spitalit, për të cilën gjykata kishte marrë vendim 4 muaj më parë që ajo t`i rikthehej pronarit të vërtetë Shemsiut tashmë të ndjerë. Dyshohet se polici u vra për një truall i cili u tha se kushton rreth 1 milion euro.
Ka përfunduar aksioni i Policisë së Kosovës, ku njësitet e hetuesisë, po kryenin bastisje në dy lokacione.
Sapo ka përfunduar aksioni në njërin lokacion, ku policia e Kosovës po kryente bastisje.
Nga aty, Policia e Kosovës ka konfiskuar dokumente të ndryshme dhe një shtëpizë kompjuteri.
Bastisjet e Policisë së Kosovës janë duke vazhduar nëpër lokacione të ndryshme të Prishtinës. Policia e Kosovës është duke vazhduar të bastis disa garazhe dhe dy vetura, raporton gazetari i Indeksonline nga vendi i ngjarjes.
Tash për tash Policia ka bllokuar rrugët dhe është duke e kontrolluar dy vetura, një të tipit Mercedes dhe një Golf 6.
3 të arrestuar për vrasjen e Gashit, Policia vazhdon aksionin në “Mat”
– Derisa po vazhdojnë hetimet për vrasjen e policit Gashi, burime të Indeksonline bëjnë me dije se deri tash janë arrestuar 3 persona si të dyshuar për përfshirje në rastin në fjalë.
Policia e Kosovës po vazhdon hetimet për rastin e vrasjes së policit, Shemsi Gashi.
Hetimet janë duke u zhvilluar në dy lokacione të ndara, në rrugën “Muharrem Fejza”.
Indeksonline, po përcjell nga afër këto zhvillime dhe shumë shpejt do të sjellë detaje të reja për rastin në fjalë.kohaislame
