Prezantimi zyrtar, Shaqiri: Jam shqiptar nga Kosova

Gjatë prezantimit zyrtar te Interi blerja më e fundit Xherdan Shaqiri, edhe pse luan për Kombëtaren e Zvicrës, nuk ka harruar të tregojë origjinën e tij. “Interi ka shumë tifozë shqiptarë, por në përgjithësi ka nga e gjithë bota. Unë jam i lindur në Kosovë. Jam shqiptar nga Kosova”, u shpreh Shaqiri. 14:00 – Në orën 13:00, në një konferencë për shtyp, Interi ka prezantuar zyrtarisht blerjen e tij më të fundit, shqiptaro-zviceranin Xherdan Shaqiri, i ardhur nga Bayern Munchen në formë huazimi deri në fund të këtij sezoni. Gjatë fjalës së tij Shaqiri u shpreh shumë i lumtur që është pjesë e zikaltërve dhe se Interi ishte zgjedhja më e mirë që mund të bënte. “Agjenti im, vëllai im, ka studiuar disa opsione të mundshme. Ishte edhe Juventus por Interi ishte zgjedhja më e mirë, nuk kam dyshime dhe jam shumë i lumtur që ndodhem këtu”, tha shqiptari nga Gjilani. Prezantimi numrit 91 u bë në praninë e drejtuesve Fassone dhe Ausilio si dhe të teknikut Roberto Mancini që u shpreh shkurtimisht: “Nuk ka nevojë për shumë fjalë”. /albeu.com/