Remi e Selimi, ish-komandantët e luftës dhe milionerët e paqes!

 
Duke u bazuar në të dhënat e paraqitura në Agjencia Kundërkorrupsion të Kosovës, pasuria e këtyre dy komandantëve të luftës kalon shifrën prej afër 1 milion eurosh.
Rrustem Mustafa-Remi dhe Rexhep Selimi përveç se kanë të përbashkët pjesëmarrjen në luftë dhe thirrjet ushtarake si komandantë të UÇK-së, ata kanë të përbashkët edhe prejardhjen e pasurisë së tyre.
 
Në fakt edhe njëri edhe tjetri kanë blerë banesa, shtëpi e prona me shuma bukur të mëdha, por asnjë njëri e as tjetri nuk kanë deklaruar se prej nga i kanë përfituar këto shuma, që arrijnë shifra deri në mbi gjysmë milioni euro.
 
Kështu duke u bazuar në të dhënat e paraqitura në Agjencinë Kundërkorrupsion të Kosovës, pasuria e këtyre dy komandantëve të luftës kalon shifrën prej afër 1 milion eurosh.

Shtëpia e Remit me 1.600 metra katrorë dhe me gjysmë milion euro në vitin 2000
 
Pasuri e paluajtshme: Objekt banimi 1.600. katrorë, e blerë në vitin 2000-2006,në vlerë prej 500.000.00, euro. Truall 3 ari, e blerë në vitin 2008 në vlerë prej 9.000 euro . Deputeti Mustafa, në formularin e pasurisë në Agjencinë Antikorrupsion, ka deklaruar se ka pasuri të përbashkët familjare, 10 hektarë tokë, por nuk e ka deklaruar vlerën e kësaj pasurie. Si pasuri të luajtshme, deputeti Mustafa,ka deklaruar veturën personale në vlerë prej 25.000.00 euro
 
Të hyrat vjetore: Para të gatshme: NLB Prishtinë ,12.500.00 euro, Pro Credit Bank Prishtinë, 5.200.00 euro, Te hyrat vjetore: Paga nga PDK, 1.265.00 euro. Paga e deklaruar si e bashkëshortes, nga Ministria e Arsimit, 450.00 euro. Ndërsa pagën e deputetit nuk e deklaruar fare.
 
Qiraja nga PTK në vlerën prej 96 mijë eurosh në vit, për shfrytëzim të hapësirës prej 1.000 metra katrorë
 
Vlera e përgjithshme e pasurisë së Remit llogaritet të jetë 654 e 365 euro.

“Komandant” Rexhep Selimi me 120 mijë euro në xhep në vitin 1999
 
Ndërkaq Rexhep Selimi si pasuri të paluajtshme ka deklaruar: Banesë,300.00 metra katror e blerë në vitin 1999, në vlerë prej 120.000.00 euro, banesë,74.00 metra katrorë e blerë në vitin 2009 në vlerë prej 36.000.00 euro, shtëpi, 500.00 metra katrorë, trashëgimi vlera e së cilës nuk është deklaruar.
 
Toka bujqësore 50.000.00 metër katrorë, trashëgimi, nuk e ka deklaruar vlerën e saj.
 
Trualli 1.700.00 metër katrorë, trashëgimi, nuk është deklaruar vlera.
 
Pasuri e luajtshme: Veturë Audi A6, e blerë ( shkëmbim), në vitin 2011-2012 në vlerë prej 12.000 euro Veturë Shkoda e blerë në vitin 2011 në vlerë prej 5.300 euro ( bashkëshortes)
 
Të hyrat vjetore: Paga Kuvendi i Kosovës në vlerë vjetore prej 17.856 euro. Rexhep Selimi nuk ka të deklaruar nëse ka para të gatshme, por as edhe detyrime financiare. kohaislmae
Artikulli paraprakPutin bënë thirrje që të ndalen vrasjet politike
Artikulli vijuesFoto e realizuar 100 vite më parë nga oficerit austriak Erich Nachtmann