Prestigjiozja italiane “La Repubblica” ka publikuar shkrimin me titull: “Berati, ku myslimanët dhe të krishterët bashkëjetojnë në paqe.”
Gazeta italiane shkruan se në një moment kur prifti ortodoks celebron një martesë në Kishën e Shën Dhimitrit, pak hapa më tej ndodhet Xhamia e Plumbit.
Kjo është ajo që ndodh në Berat, në qytetin e një mbi një dritareve, i cili është rreth 100 kilometra larg Tiranës.
Në një pllakë në hyrje të qytetit të vjetër shkruhet se që nga viti 2008 ky qytet është i përfshirë në UNESCO së bashku me Gjirokastrën.
Nuk është e vështirë të kuptohet përse Berati është në listën e trashëgimisë botërore, pasi përveç se është shembull i një qyteti të ruajtur në përsosuri, konservon një bashkëjetesë fetare shembullore.
Artikulli sqaron rrugën që duhet të ndjekësh për të zbuluar bukuritë dhe historinë e Beratit.
Mali i Tomorit, lumi Osum, Gorica, Kalaja janë disa nga vendet që përshkruhen me detaje dhe cilësohen si të pashmangshme për t’u vizituar nëse dikush shkon në Berat.
Zona e Kalasë, shumë mbresëlënëse, në një lartësi prej 214 metrash, shtrihet përgjatë lumit Osum. Pamje unike që të lënë pa frymë shkruan “Repubblica“.
