Rrëfimi prekës i turkes, adoleshentes më të gjatë në botë: Lëviz me karrocë, eshtrat nuk ia mbajnë trupin (Foto)

0
969

Rumeysa Gelgi nga Safranbolu i Turqisë, me gjatësi 2.14 metra, është adoleshentja më e gjatë në botë.

Por, 19-vjeçarja duhet të lëviz me karrocë apo të mbështetet në strukturën prej metali, sepse ka probleme të mëdha fizike, transmeton Telegrafi.

Adoleshentja më e gjatë në botë lëvizë me karrocë sepse eshtrat nuk ia mbajne trupin foto 2

Ajo vuan nga Sindromi Weaver. Që në vitin 1997 kur ajo ka lindur, janë raportuar vetëm 20 raste të tilla.

Të prekurit nga kjo sëmundje rriten me shpejtësi që nga fëmijëria, por nuk u zhvillohen si duhet gjunjët dhe bërrylat, duke ua bërë ecjen dhe vrapimin shumë të vështirë.

Adoleshentja më e gjatë në botë lëvizë me karrocë sepse eshtrat nuk ia mbajne trupin foto 3

Me kalimin e kohës, eshtrat e saj kanë filluar të rrëndohen dhe më nuk kanë fuqi t’ia mbështetin trupin. Pos kësaj, adoleshentja vuan edhe nga skolioza që ia ka lakuar shpinën.

Adoleshentja më e gjatë në botë lëvizë me karrocë sepse eshtrat nuk ia mbajne trupin foto 4

“Si gjashtëvjeçare e dija se jam e sëmurë dhe nuk mund të shërohem, andaj gjithmonë ëndërroja të isha si fëmijët tjerë”, ka thënë Rumeysa.

Adoleshentja më e gjatë në botë lëvizë me karrocë sepse eshtrat nuk ia mbajne trupin foto 5

Në vend se të jetë me bashkëmoshatarët dhe të vazhdojë studimet, ajo jeton në shtëpi me prindërit, të cilët e nxjerrin shpesh në shëtitje në qytezën ku jetojnë. /Telegrafi/