Shfaqet Armata e serbëve të veriut

 

 

Billborde me mbishkrimin ‘Severna Armija’ (Armata e veriut) në të cilat shihet edhe fytyra e një ushtari të uniformuar janë vendosur nëpër vende të ndryshme në veri të Kosovës, transmeton Kosovapress.

Sipas mediave në Kosovë, qytetarët shqiptarë në veri kanë filluar të shqetësohen pas vendosjes se billbordeve, duke patur parasysh tensionet vrasjet dhe gjendjen e rëndë  që ka kaluar veriu i Kosovës gjatë këtyre 13 viteve. 
Vendosjen e billbordeve janë duke e analizuar edhe forcat e sigurisë në Kosovë. 

Burime të Kosovapress-it kanë bërë të ditur se një mbishkrim me përmbajtje dhe fotografi të tillë në formë të gravuar, ndodhet edhe në një kioskë në qendër të Zveçanit që është vepër e grupeve ekstremiste në veri. 

Sipas këtyre burimeve, kjo armatë është themeluar nga grupe famëkëqija serbe të ekstremit të djathë që luftojnë për Serbinë e madhe dhe të pastër me krishterë ortodoksë, duke përfshirë këtu edhe një pjesë të territorit të Kosovës. 

“Shumë qytetarë serbë të cilët punojnë nëpër institucione të ndryshme të Republikës së Kosovës, duke përfshirë këtu edhe policë serbë të Kosovës, janë kërcënuar ditët e fundit përmes mesazheve telefonike nga të ashtuquajturit pjesëtarë të Armatës së veriut”, kanë thënë burimet, duke shtuar se kjo armatë përbën në vete edhe persona të formacioneve të ndryshme çetnike e ultranacionaliste dhe të shpallura ilegale edhe nga vetë Serbia. 

 

 

Artikulli paraprakNdihma e rusëve për Zogun Majko: Princi tha të vërtetën
Artikulli vijuesTë premten publikohen emrat e spiunëve në Maqedoni