Tragjike, vdesin 4 të rinj në një aksident në autostradën Tiranë – Durrës

Një aksident i rëndë automobilistik ndodhi në orët e para të mëngjesit të sotëm, teksa për pasojë 4 të rinj kanë humbur jetën.Ngjarja e rëndë u regjistrua ne afërsi të Sukthit rreth orës 4:30 minuta.
Viktimat janë tre vajza dhe një djalë, ende të pa identifikuar.
Mjeti tip Benz me targa AA979GV i cili drejtohej nga djali udhëtonte në sens të kundërt të autostradës. Mësohet se djali që ka humbur jetën është nga Durrësi, por nuk bëhet me dije ende identiteti i tij. Në mjetin tjetër tip Benz me targa AA694IL udhëtonin 3 vajza, njëra nga të cilat mësohet se është nga Tirana.
Përplasja mes dy mjeteve ka qenë e fortë dhe për pasojë 4 të rinjtë kanë humbur jetën menjëherë. Mjetet janë shkatërruar pothuajse plotësisht, ndërsa trupat janë nxjerrë nga forcat zjarrfikëse.
Si pasojë e aksidentit të rëndë është devijuar qarkullimi i mjeteve. Forca policie në vendngjarje kanë nisur hetimet për identifikimin e viktimave dhe zbardhjen e plotë të shkaqeve të aksidentit.