Organet turke të ruajtjes së rendit ditën e martë kanë ndërmarrë arrestime të shumta në radhët e aktivistëve të një grupi ekstremist në lidhje me shpërthimin që gjëmoi në fillim të muajit shkurt pranë Ambasadës amerikane.
Janë lëshuar urdhër-arreste për 167 persona, të cilët jetojnë në 28 qytete të ndryshme të Turqisë. Të gjithë ata kanë të bëjnë me grupin marksist “Partia/Front Revolucionare Popullore e Çlirimit” (The Revolutionary People’s Liberation Party-Front, DHKP-C), e cila në SHBA dhe BE është njohur si organizatë terroriste.
