Xhamia “Shakirin” gjendet në hyrje të varrezave Karaxhaahmet në Yskydar, Stamboll. Është ndërtuar nga fondacioni Semiha Shakir si përkujtim për Ibrahim dhe Semiha Shakir.
Ceremonia e hapjes së xhamisë është bërë në vitin 2009, dhe konsiderohet si xhamia më moderne në Turqi.
Arkitekt i xhamisë është Husrev Tajla, i njohur për punën e tij në xhamin Kodxhatepe në Ankara. Gjithashtu është i njohur edhe si një arkitekt konservativ. Enterieri i xhamisë është bërë nga Zejnep Fadilioglu, një pasardhëse e Semiha Shankirit, dhe është gruaja e parë që ndonjëherë ka ndërtuar një enterier xhamie.
Kjo është xhamia e parë ku i është kushtuar kujdes, siç thotë ajo, edhe pjesës ku qëndrojnë meshkujt dhe asaj ku qëndrojnë femrat, pa lënë asgjë pas dore.
Ndërtimi i xhamisë ka zgjatur 4 vjet dhe kap një hapësirë prej 10.000 metrash katror. Ka dy minare me një lartësi prej 35 m, ndërsa kubeja është bërë nga alumini. Kaligrafia brenda kubes është punuar nga Semih İrteş. Dritaret e mëdha të vendosura në tre anët e sallës së lutjes janë projektuar nga Orhan Kochan. Mimberi është nga argjila dhe është bërë nga Erdogmush Typhoon, ndërsa motivet dekorative janë nxjerrë nga arti selxhuk. (Islampress)
(Islampress)
