Disa ditë pas sulmeve të pandërprera nga ajri mbi spitalet në qytetin sirian Halepo, ku për pasojë janë vrarë një numër e madh civilësh, mes tyre dhe fëmijë, mjekë e infermierë po ashtu, drejtor i spitalit në atë qytet, dr. Hatem, i ka drejtuar një letër-apel botës mbarë.
Në letrën e tij emocionuese, të cilën e ka publikuar The Syria Campaign, një grup i pavarur i cili promovon paqen dhe ardhmërinë demokratike në Siri, dr. Hatem ka informuar se në sulmin e fundit në afërsi të spitalit Al Kuds, veç 27 të vrarëve nga radhët e e bluzave të bardha dhe dhe pacientë, ishte dr. Muhammad Waseem Maaz, pediatri më i kualifikuar në vend.
“Punonte në spitalin e pediatrisë gjatë ditës, pastaj natën ka shkonte në spitalin Al Kuds për t’u përkujdesur për rastet urgjente. Dr. Maaz dhe unë kalonim gjashtë orë së bashku. Ka qenë njeri i mirë, i këndshëm dhe bënte humor më të gjithë. Ka qenë mjeku më i mrekullueshëm në spitalin tonë”, e kujton dr. Hatem mikun e tij të vrarë.
Qyteti më i rrezikshëm në botë
Por, dr. Maaz u vra dhe mbeti përgjithmonë në Halep, të cilin dr.Hatem e quan qytetin më të rrezikshëm në botë. Mbeti atje si rezultat i vetëflijimit të tij ndaj pacientëve.
“Spitalet janë shpesh shënjestër e forcave ruse dhe atyre të shtetit. Disa ditë pasi ka humbur jetën dr. Maaz, ka shpërthyer një granatë vetëm 200 metra nga spitali ynë. Kur bombardimet intensifikohen, mjekët dhe infermierët vrapojnë në bodrum duke bartur me vete edhe inkubatorët, në mënyrë që t’i mbrojnë foshnjet”, rrëfen Hatem.
“Sikurse edhe të tjerët, edhe dr. Maaz është vrarë duke shpëtuar jetën e njerëzve. Sot përkujtojmë humanizmin dhe guximin e tij”, thotë dr. Hatem.
Ndërkohë, dr. Hatem ka kaluar në Turqinë fqinje. Ai shprehet se edhe dr. Maaz është dashur të shkojë në Turqi, të vizitojë familjen e tij të cilën nuk e kishte takuar prej katër muajsh.
“Ju lus ta ndani këtë rrëfim në mënyrë që tjerët të kuptojnë se me çfarë ballafaqohen bluzat e bardha në Halep dhe gjithë Sirinë. Situata është kritike, Halep shpejtë mund të gjendet nën rrethim. Bota duhet t’i kushtojë vëmendje gjendjes atje “, përfundon dr. Hatem.
Vdesin pacientët dhe mjekët
Një spital i cili ndodhet në pjesën e Halepos që është nën kontrollin e forcave rebele, edhe ditët e fundit është goditur gjatë një sulmi. Kjo është hera e dytë gjatë kësaj jave që spitali në qytetin e dytë për nga madhësia në Siri është goditur gjatë sulmeve nga ajri. “Për pasojë, disa persona janë lënduar, në mesin e tyre një infermiere”, kanë deklaruar Beretat e Bardha.
Klinika e sulmuar gjatë pesë viteve të fundit ofronte shërbime stomatologjike dhe shërbime të mjekimit të sëmundjeve kronike.
Në fillim të javës që po e lëmë pas, së paku 27 persona u vrarë (në mesin e tyre dhe dy mjekë) nga sulmet ajrore ndaj spitalit Al Kuds dhe ndërtesave tjera përreth në pjesën e Halepos që quhet Sukkari, i cili poashtu ndodhet në kontrollin e forcave rebele.
Sulmet në spital, të cilin e ndihmojnë Mjekët pa Kufi (MSF), janë dënuar zëshëm nga liderë botërorë./Tesheshi.com
