Agjërim në burg…

Hafiz Sabri Koçi tregon për jetën fetare dhe Ramazanin, se si përpiqej edhe në burgjet komuniste. 
“Kishte plot raste kur i burgosuri vishej e mbathej për të dalë nga burgu dhe në çastin e fundit ai, “në emër të popullit” arrestohej, i vinin hekurat dhe e kthenin sërish në qeli. Ky ishte parimi i burgut tonë. Në qoftë se një njeri hetohej se ishte nën ndikimin tim, se agjëron ose kryen ndonjë obligim fetar, i bëhej presion dhe ai detyrohej të pranojë dhe menjëherë më thërrisnin mua. Më thoshin: “Ç’është ky agjërim e propagandë që bën kundër partisë tonë?”
Hetuesi ishte një djalë i ri, operativ. I thashë: 
-Ti flet pa baza, nuk di se kujt i thonë Ramazan, askurrgjë. Prandaj më parë pyet se çka është Ramazani, atëherë besoje se është e vërtetë, apo jo?
-E çka është?- më pyeti. 
Unë i thashë: -Të rrish 24 orë pa ngrënë. A ta merr mendja se agjëron dikush? 
Më tha: -S’e besoj!
– Atëherë hajt udhë e mbarë.
Gjithnjë kam pasur shpresë në Zotin xh.sh., se do të lirohem, por me mëshirën e komunistëve kam thënë se nuk do të lirohem kurrë. Edhe pse u mbushën gati 22 vjet, kisha ende frikë se po m’i shtojnë edhe 10 vjet të tjera.”
Artikulli paraprakKështu pritet reprezentacioni Izraelit në Bosnje (video)
Artikulli vijuesPër ata që akuzojnë se Shqiptarët e Maqedonisë nuk janë kombëtarë.