Lajmi i Fundit: Demarkacioni votohet në orën 17:00?

Seanca e Kuvendit të Kosovës që për momentin është ndërprerë mund të vazhdojë në orën 17:00.

Megjithatë, kjo nuk është zyrtare, por sipas asaj që merr vesh Kumti, gjasat janë të mëdha që seanca të mbahet në këtë orë për shkak të vizitës së delegacionit të lartë të Bashkimit Evropian.

Në Kosovë pritet të arrijë presidenti i Komisionit Evropian, Jean-Claude Juncker që do të zhvillojë takime me presidentin, Hashim Thaçi, kryeministrin Ramush Haradinaj dhe kryetarin e kuvendit, Kadri Veseli.

Bashkë me të në Prishtinë do të qëndrojë edhe Komisionari për Fqinjësi të mirë, Johannes Hahn, si dhe Shefja për Politikë të Jashtme të BE-së, Federica Mogherini.

Seanca e jashtëzakonshme e Kuvendit të Kosovës është në pauzë, pasi LDK-ja kërkoi që Komisioni i Punëve të Jashtme të ndryshojë tekstin e nenit 3 të marrëveshjes duke u bazuar në marrëveshjen e arritur paraprakisht mes partive shqiptare, përjashtuar Vetëvendosjen.

Artikulli paraprakJep dorëheqje drejtori i burgjeve të Kosovës
Artikulli vijuesDemarkacioni kalon, me votat e Listës Serbe