LDK nën presionin e Qeverisë

Lidhja Demokratike e Kosovës po ndihet e shantazhuar nga institucionet e Kosovës, për shkak të qëndrimit të saj, për të mos votuar reformën zgjedhore dhe kushtetuese. Përfaqësuesit e partisë më të madhe opozitare thonë se presioni institucional ndaj kësaj partie po vazhdon në disa mënyra, ndërsa njëri nga to, sipas tyre, është edhe arrestimi i disa zyrtarëve komunalë.
Analistët politik janë të ndarë rreth kësaj çështjeje. Disa mendojnë se Qeveria e Kosovës po i shfrytëzon mekanizmat e shtetit për të bërë presion ndaj LDK-së, ndërsa disa të tjerë arrestimet e fundit për korrupsion i marrin masa preventive ndaj hajnisë ordinere që është instaluar në të gjitha poret e funksionimit institucional.
Imri Ahmeti, i cili është anëtarë kryesisë së LDK-së, ka thënë për “Zëri” se arrestimet e fundit mund të interpretohen si presion ndaj LDK-së sidomos në kohën kur “korrupsioni dhe krimi i organizuar nuk po luftohen, por po kultivohen në të gjitha instancat e shtetit tonë deri në nivel qeveritar”.
“Nuk kemi si ta konsiderojmë ndryshe, vetëm si presion , derisa kemi deklarimet publike të individëve të caktuar që implikojnë figura të larta shtetërore për krime ndaj shtetit dhe figurave të larta shtetërore. Në fakt ky tentim është tentim i zhvendosjes së opinionit nga krimet e rënda, nga problemet brenda PDK-së dhe proceset e reformimit të PDK-së, për të orientuar vëmendjen te LDK-ja”, ka thënë Ahmeti.kohaislame