Organizata e Kombeve të Bashkuara për Ushqimin dhe Bujqësinë e OKB-së (Food and Agriculture Organization of the United Nations, FAO) bëri thirrje për rritjen e konsumit të insekteve, si formë ushqimi, për të luftuar valën e shpërthimeve të urisë në vendet në zhvillim.
Sipas të dhënave të Organizatës, tashmë 2 miliardë njerëz sipas shkallëve të ndryshme të rregullsisë ushqehen me buburreca, karkaleca dhe milingona. Sipas ekspertëve, insektet janë mjaft ushqyese dhe shumohen lehtë, si dhe janë të përshtatshme për ushqimin e peshqve dhe të kafshëve.
Autorët e raportit të OKB-së theksojnë se paragjykimi nga ana e konsumatorëve potencialë në vendet perëndimore mbetet një pengesë e pakapërcyeshme tani për tani për përhapjen e gatimeve (pjatave) me insekte.
