Parlamenti Evropian dënon tentativën për grushteti në Turqi

Komisioneri Evropian për Politikën e Fqinjësisë Evropiane dhe Negociatat e Zgjerimit, Johannes Hahn në lidhje me tentativën e FETÖ-s për grusht shteti ka deklaruar: ”Muaj më parë më kanë informuar se kanë në dorë lista të anëtarëve të lëvizjes gylen në strukturat shtetërore të Turqisë”, njofton Agjencia Anadollu. Në një mbledhje të jashtëzakonshme të Parlamenti Europian është diskutuar mbi gjendjen në Turqi dhe tentativën e FETÖ-s për grusht shteti atje. Gjatë fjalimit të tij në këtë takim, deputeti gjerman dhe njëkohësisht kryetari i Komitetit të Punëve të Jashtme të BE-së, Elmar Brok, duke vënë theksin tek të shkarkuarit pas tentativës për grusht shteti të FETÖ-s u shpreh se ka një rrezik për largimin e Turqisë nga BE-ja, por për këtë gjë nuk duhet të flitet me tone të qarta pasi është ende herët. Brok në fjalën e tij ka theksuar se një miratim i mundshëm i dënimit me vdekje do të bënte shkëputjen e marrëdhënieve mes Turqisë dhe BE-së. Ndërsa Ivo Vajgl, anëtari slloven i PE-së tha se e kanë të qartë dhe janë të vetëdijshëm që në Turqi ka një strukturë paralele. Ai ftoi BE-në të lërë mënjanë modestinë dhe ti japë një mundësi reale Turqisë në rrugën drejt BE-së pasi sipas tij ajo ka edhe alternativa të tjera sikurse ka çdo shtet. Duke theksuar se Turqia është shumë e rëndësishme për BE-në, ai më tej në fjalën e tij ka thënë se marrja e një shteti mysliman në këtë union do ti jepte njëherë e përgjithmonë fund pretendimeve se BE-ja nuk do vend mysliman në këtë union. PE dënoi tentativën për grusht shteti por shprehu edhe shqetësimet e saj në lidhje me arrestimet.

Artikulli paraprakTurqi – Vazhdojnë shkarkimet nga puna në gjykatën ushtarake
Artikulli vijuesKryqe gjithandej në Maqedoni – Lëshohet në qarkullim monedha e farkëtuar për qëllime koleksionimi “Vlladimirska”