Snowden ekspozoi kompanitë që punojnë për zbulimin britanik

Kompanitë e mëdha private të telekomunikacionit i kanë ofruar shërbimeve britanike të zbulimit një ndihmë shumë më të madhe nga ajo që parashikohej më parë për survejimin e përdoruesve të Internetit.
Disa prej tyre i kanë zhvilluar vetë programet për këtë qëllim, njoftojnë ditën e premte botimet gjermane “NDR” dhe “Sueddeutsche Zeitung” me referim tek dokumentet e reja të bëra publike nga Edward Snowden.
Bëhet fjalë për “British Telecom”, “Verizon”, “Vodafone”, “Level 3”, “Global Crossing”, “Interoute” dhe “Viatel”, të cilat zotërojnë një pjesë të madhe të infrastrukturës globale të Internetit.