Thirrja islame (shfrytëzoi mjetet bashkëkohore)

Thirrja islame

(shfrytëzoi mjetet bashkëkohore)

Allahu, subhanehu ve teala, myslimanëve të këtij shekulli u ka dhënë mundësi të arta për të thirrur njerëzit në fenë e Tij.

Zhvillimi teknologjik ka bërë që me një sustë të dërgosh një letër shumë njerëzve. Madje të gjithë e shohim se si të rinjtë i shfrytëzojnë skajshmërisht këto mundësi për komunikim adoleshent mes tyre. Kurse fatkeqësisht në anën tjetër të pakët janë ata që në mënyrë të vazhdueshme dhe me planifikim paraprak i shfrytëzojnë këto dhunti për ti afruar njerëzit te Allahu, subhanehu ve teala.

Në vijim i paraqesim disa shembuj se si mundet të përdoren rrjetet sociale, telefonat e mençur, grupet dhe forumet e ndryshme, madhe edhe viber grupet.

1- Lajmërimi i ligjëratave islame, tribunave, konferencave, seminareve dhe aktiviteteve të ndryshme të thirrjes islame.

2- Përkujtimi i njerëzve për veprat e mira gjatë ditës dhe natës, sikurse është agjërimi i të Hënës dhe të Enjtes, ditëve të Bardha, ditës së Xhuma, etj.

3- Lajme përgëzuese nga bota islame ose lajmërimi i ndonjë ndodhie të rëndësishme për myslimanët.

4- Përkujtimi i myslimanëve për vlerën e disa veprave, lutjeve dhe dhikreve të vlefshme, sikurse vlera e sadakasë, vlera e dhikrit të mëngjesit dhe mbrëmjes, vlera e dërgimit të salavatit mbi Pejgamberin, sal-lallahu alejhi ve sel-lem, në ditën e Xhuma, etj.

Shembuj të disa letrave të shkurtra dhe me vlerë:

– Vëlla i dashur ke shkruar vasietin tënd, testamentin?!

– Kujdes! Vdekja të vjen në befasi, kurse varri është sënduku i veprave tuaja.

– Kur ke lexuar për herë të fundit Kuran? Një pyetje të cilën duhet shpesh t’ia parashtrojmë njëri tjetrit.

– Një ders i ri i filan hoxhës, a ke dëgjuar?

– Thuaj: La ilahe il-lallah!

– Vëlla i dashur! Na mjafton vdekja si këshillues!

– Mos harro! Përmende Allahun!

– Nuk kemi krenari pa fenë Islame!

– Vëlla i dashur! Dije se lumturia e vërtetë qëndron në jetësimin e fesë Islame!

– Allahu Ekber! Allahu Ekber! La ilahe il-lallah! Allahu Ekber! Allahu Ekber ve lilahil-Hamd!

– Po na ik jeta, e ne në gaflet. Zgjohu dhe nisu në vepra të mira, para se vdekja të na befason!

E shumë tjera që mund ti shton secili prej nesh.

Bekir Halimi/ISLAM.MK/kohaislame

Artikulli paraprakRusia do të dërgojë trupa në Siri?
Artikulli vijuesShqipëri, largohen 80 % të policëve të trafikut (Video)