Turqit ndërtojnë centralin i parë gjeotermik në Kroaci

Presidenti i Bordit MB Holding, Muharrem Balat, duke theksuar se që prej 15 vjetësh janë të interesuar për energjinë gjeotermike, ka deklaruar se ndërtimi i centralit të parë gjeotermik i Kroacisë dhe në të njëjtën kohë investimi i një kompanie Turke në Evropë është një inkurajim.  Balat ka konfirmuar se në Kroaci do të ndërtohet një central 10 megavat dhe planifikohet që të hyjë në punë në vitin 2017, raporton Anadolu Agency (AA).
 
Balat i cili ka dhe detyrën e kreut të Unionit Ndërkombëtare të Energjisë Gjeotermike në një deklaratë për gazetarin e AA ka theksuar se si kompani ata kanë një profil në energjinë gjeotermike dhe se do të zhvillojnë projekte të kësaj energji në Turqi dhe jashtë saj.
 
“Për shkak se projektet në energjinë gjeotermike kërkojnë makineri të posaçme edhe koha e nisjes së punës së tyre merr një kohë. “Fillimisht kemi nevojë për të kuptuar rrjedhën dhe ngrohjen e ujit që sipas asaj të porositim makineritë tona. Për këtë arsye do të fillojmë punimet në muajin mars. Centrali në Kroaci do të ketë një kosto afërsisht prej 30 milion Euro”- tregon për AA Muharrem Balat.
 
Presidenti i Bordit MB Holding thekson se pas përfundimit të studimit të fizibilitetit për projektin do të aplikojnë në një bankë në Kroaci dhe  shprehet më tej se: “Ndërtimi i centralit të parë gjeotermik në Kroaci dhe në të njëjtën kohë investim i një kompanie Turke në Evropë na ka inkurajuar. Atje do të ndërtojmë në central 10 megavat dhe planifikojmë që të hyjë në punë në vitin 2017. Ne kemi fituar tenderin për kërkime në të gjitha fushat e rajonit. Punimet tona aktuale i kemi bërë me burimet tona. Në qoftë se do të menaxhojmë në mënyrën më të mirë mundësitë atje besoj se do të jenë me shumë dobi punimet edhe për popullin kroat edhe për ne si një kompani turke”.
 
– Fuqia jonë e instaluar në Turqi do të arrijë 74 megavat
 
Balat thekson se centrali i parë me energji gjeotermike i ndërtuar nga kompanitë private në Turqi është ai i ndërtuar në Ajdën të cilët janë centralet Dora-1, Dora-2, Dora-3a dhe Dora-3b dhe që janë me një fuqi të instaluar në 54 megavat. Ai ka pohuar se kanë filluar edhe punimet për centralin Dora-4 dhe se ai do të përfundojë në vitin 2016 dhe kështu në vitin 2016 fuqia e instaluar do të arrijë në 74 megavat.
Artikulli paraprakMustafi: Golin ndaj Atleticos ua dedikoj shqiptarëve
Artikulli vijuesStudim: Sulmet ndaj muslimanëve në Gjermani dhe Austri janë rritur